جالس افكر اليوم في هذا الموضوع وتذكرت ايام الزواجات في عرقة قديما الله يالدنــــيا ....
كان في تلك الايام اذا فيه زواج لاحد اهالى عرقة من الشباب تشوفنا فازعين معه من الظهر نروح له في بيتهم طبعا مع ابوي ولاهو شرط يكون قريب لنا نقوم نشبك العقود معهم على بيتهم وتلاقي اهالى عرقة متكاتفين متلاحمين وبعد صلاة العصر تلاقي العانيات جايتة مجمعه في حوشهم تصدقون بالله اقل شي في ذيك الايام اربعين راس ويتعذرون بعد واذا جاء الزواج بالليل تحصل اهالى عرقة كلهم بدون مبالغة حاظرين من بعد صلاة العشاء وبعدها يتعشون وان كانو بيطقون سامرى الساعة 12 بالكثير سارين كل منهم رايح لبيتة ومثل بكرة تلاقي ابو المعرس محرص على العموم يعزمهم على الغداء وتعالوا شوفو سعة الصدر واذا جاء العصر الكل افلح
هذا الرجال .... اما الحريم تلاقيهم فازعين مع اهل العروسه اذا هي من اهل عرقة ( هاه بدت العنصرية ) اذا من برا مايفزعون لها
وابشروا باللى بيزين الجريش والقرصان واذا زواج شتوي هلا هلا بالمحلا والعصيدة ( ياليت عندي عصيدة واربع صواني مرق ) ام الحين ايــــــــــــــــــــــــــــــــــــــــ ـــه
الله يرحم الحال بالله قولولى كيف الوضع الحين انا عطيتكم قبل 000عطوني بعد