الطفل مثل الكبير له مشاعر و أحاسيس ...

الروشن · منذ /08-18-2009, 04:35 PM

 الطفل مثل الكبير له مشاعر و أحاسيس ...

لا تقولين ياويلك إن رجعت البيت وملابسك وسخة ..
- قولي ما أجملك يوم ترجع البيت وملابسك نظيفة..
||

||
لا تقولين الله ياخذك ... والا ياليت يوم ولدتك بركت عليك ..
- قولي الحمد لله إللي وهبك لي هدية..
||

||
لا تقولين بسير أرقد وما أبغي أسمع صوتك ..
- قولي أنا أدري الحلو مابيخلي أحد يسوي إزعاج علشان الماما محتاجة ترقد وترتاح..
||

||
لا تقولين أف ذبحتني بشقاوتك ... إياني وإياك تكسر أغراض البيت ..
- قولي الحمد لله إن الله رزقني بولد مثلك يحافظ على أغراض البيت ومنظره علشان الناس يوم تدخل ... تقول ما شاء الله على الولد إللي يحافظ على نظافة بيته..
||

||
لا تقولين قوم ذاكر وحل واجباتك ..
- قولي شو رايك تذاكر علشان نقعد مع بعض نلعب ونسولف بدون ما نحاتي واجباتنا..
||

||
لا تقولين إنت غبي أو إنت عبيط أو إنت ماتفهم ... راعي قدرات الطفل للإستيعاب ..
- قولي ماما خلنا نعود أنفسنا نفكر ونركز قبل ما نسوي أي شي أو نقول شي ( لاحظي صيغة الجمع ... علشان الطفل مايحس إنه استيعابه بطيء وهذا عيب يخصه بروحة فينطوي على نفسه )..
||

||
لا تقولين إنت عنيد وما يفيد فيك غير الضرب ..
- قولي ما شاء الله عندي ولد يحبني ويسمع كلامي فيستاهل إني أسمع كلامه ... فشو تحب تاكل اليوم أو وين تحب تسير في نهاية الإسبوع أو شو الهدية إللي تبغيها أو تستاهل بوسه كبيرة أو تستاهل ضمة قوية علشان ما يتعود الطفل على الجزاء المادي..
||

||
لا تقولين عمرك ما بتصير مثل فلان ... أو الله عطى الناس عيال وعطاني أنا ولد مثلك خايب ..
- قولي أحبك يوم تسوي أشياء تشرف علشان أفتخر فيك قدام الناس يتمنون عيالهم يكونون مثلك..
||

||
لا تقولين إنت مامنك فايدة في الدراسة أو بذبحك إن جبت لي درجات واطية ..
- قولي أنا واثقة إنك ما بتخيب ظني فيك ... وما بتجيب غير الدرجات الحلوة إللي مثلك ..
||

||
لا تقولين كل أكلك وماأبغي أشوف شي في صحنك ..
- قولي خلنا نشوف من الأشطر أنا والا إنت منو إللي بيقدر يخلص إللي في الصحن
( لا تحاولين تترسين الصحن فوق طاقة ولدكِ علشان ما يحط في خاطره إنه ماخلص صحنه وخسر )
( لا تقولين لولدكِ خلنا نتسابق والا منو يخلص قبل الصحن .... علشان ما ياكل بسرعة فتتعب معدته لأنه ما يقدر يهضم بسرعة أو يغص إسم الله عليه ) ..
||

||
لا تقولين لطفلك يا حمار أو يا حقير ...
( لأنكِ قدوة ... فلازم تراعين ألفاضكِ وبالذات إنكِ أم واعية وفاهمه ما شاء الله عليكِ ) ..
||

**** ملاحظة ****
وهي أنه ينبغي عند تربية الطفل أن لا نقارنه بالناس ، أو أن نقول له افعل كذا حتى يراك الناس ، أو يعجبوا بك !

لأنه سينشأ وهو مهتم لنظرة الناس ونظرة الناس ليست دائما على صواب ..

بل الصحيح أن نقول حتى يرضى عنك الله .. وحتى تنال الأجر العظيم ..***

فله · منذ /08-19-2009, 01:20 AM

مشكوره الروشن

الروشن · منذ /08-20-2009, 01:03 AM

اقتباس

المشاركة الأصلية كتبت بواسطة فله


	مشكوره الروشن

اشكر مرورك فله

عشقي هواها* · منذ /08-20-2009, 05:39 AM

في الصميم يالروشن
دمت مبدعه
ملاحظه ..خارج نطاق الموضوع احس انك مبدعه ياليت تشاركينا في المسابقه على هذا الرابط
دعوه خاصه مني لك>>القسم بحاجه لامثالك
http://www.ergah.com/vb/showthread.php?t=1619

بنوته عرقه · منذ /08-20-2009, 06:16 AM

مشكوره اختي الروووشن ع هييييييك موضوع

الروشن · منذ /08-20-2009, 03:21 PM

اقتباس

المشاركة الأصلية كتبت بواسطة عشقي هواها*


	في الصميم يالروشن دمت مبدعه ملاحظه ..خارج نطاق الموضوع احس انك مبدعه ياليت تشاركينا في المسابقه على هذا الرابط دعوه خاصه مني لك>>القسم بحاجه لامثالك http://www.ergah.com/vb/showthread.php?t=1619