وش فيه مطاعم بعرقه

لولو وسوسو · منذ /06-07-2011, 03:24 PM

السلام عليكم
ممكن اعرف ايش المطاعم الموجوده بعرقه
مع رقمه

**صمت عرقه** · منذ /06-07-2011, 04:29 PM

مطاعم بعرقه!! في بس قليله ولا تحظرني ارقامهم!!

لكن اذا تبي مطعم معين في مطاعم كثير قريبه مـن عرقه وتوصـل لها

اذا في مطعم ببالك يمكن اساعدك بالرقم

عشقي هواها* · منذ /06-07-2011, 09:41 PM

مااظن ان داخل عرقه مطاعم
كان ودنا نخدمك عزيزتي لولو وسوسو.

كاريزما · منذ /06-07-2011, 09:58 PM

مطعم اليخت الشامي ..

بوفيه .. وجبات سريعة ..

مطعم الخيمه الشعبيه ..

فيه فوال السمرا . , يبيع مطبق

..

**أبو عبدالإله** · منذ /06-08-2011, 08:29 AM

ولو

فيه أكثر من أربعة مطاعم رز بخاري قمة في النظافة وما يعيبهم أن أحدهم قبضت عليه البلدية قبل أكثر من سنتين وهو يستخدم دجاج ( بياض ) منتهي الصلاحية لأن سعره بريال ويأكله الزبون بعشرين ريال وبالهناء والشفاء !!

محبوب عرقه · منذ /06-08-2011, 08:54 AM

وش الله حادك يا لولو سوسو تسألين عن المطاعم بعرقه ..ما فيه مطعم او وجبات سريعة تفتح النفس
خليكي بالمطاعم الافضل ولن أقول الانظف ولكن اقول المتميز بالاكلات و الوجبات خارج عرقه فالتوصيل السريع مريّح الناس .

**عبدالعزيز المرشد** · منذ /06-08-2011, 09:58 AM

والله شوفي يا اسمين في اسم

في الفترة الحالية فيه مطعم اليخت وويوصل أيضاً وهذا رقمهم:

014154474

وعندك الخيمة الشعبية وعندهم توصيل أيضاً وكبستهم تهبّل ( على قولة العنصر النسائي ) :

وهذا رقمهم:

018102247

وقد يكون هناك غيرهم فلا أريد أن أهضم حقهم ولكن هذا اللي أعرفه.

وبالعافية إن شاء الله.

لولو وسوسو · منذ /06-08-2011, 03:23 PM

شكرًا يااهل عرقه
بس فوال السمرا وينه بالضبط يمكن نشتهي مطبق والا شي
انا توي ساكنه عرقه ومع حوسه النقل لازم مطعم
ابي شي على الطريق و مو مهم بعرقه المهم يوصل لعرقه
مثلا بيتزا او مطعم زين
يعني الخيمه الشعبيه لازم صحون وملاعق وكل المواعين بالكرتون
ابي شي عجل وعلى الطائر تأكل وانت واقف

**ابتسامة عرقه** · منذ /06-09-2011, 02:16 AM

اغلبية مطاعم الرياض توصل لعرقه اتصلي على 905 وخذي رقم المطعم , وان مالقيتي ادخلي موقع المطعم من النت وفيه التفاصيل , " حركاتنا دائما " , ماعليك الا توصيف البيت ,

اقتباس


	وكبستهم تهبّل ( على قولة العنصر النسائي )

سابقا كان يهبّل , ويفك أزمة لكن الاآن الله المستعان ,

**صمت عرقه** · منذ /06-09-2011, 03:33 PM

اقتباس

المشاركة الأصلية كتبت بواسطة ابتسامة عرقه


	سابقا كان يهبّل , ويفك أزمة لكن الاآن الله المستعان ,

بصراحه انا من زمان ما اكلت منه واذكر كان رز الحراق ازين شي عندهم بس يخلص عطوول!

عاد اليوم رحت له واخذت رز مندي ودجاج شوايه!

واللــه زيــن

يمكن الرز الشعبي الي مو مره!!