شرشحة وزير ؟؟؟ بس يستاهل .لله درك من كاتب .

[سفـ عرقه ـير]

قصيدة موجهه إلى وزير التجارة
ياوزير التجـارة يـوم كنـا بخيـر
الزيـادة بـحـق الله وش جابـهـا
زاد سعر الأرز وزاد سعر الشعيـر
دوبهـا للبهايـم وإلا لاصحابـهـا
كل سلعة رخيصة زودوهـا كثيـر
والرقابه تفرج مدري وش صابهـا
القرارات ماتثني ضعيف الضميـر
والنفوس الضعيفـة حـدت أنيابهـا
أَصْدِر الأمر بالتخفيض عبر الأثيـر
وإلزم التاجر الطماع يرضـى بهـا
أصبح الوضع متأزم وصاير خطير
والضحية فقير القـوم يشقـى بهـا
ان تعشى تعشى سندويش وعصيـر
وان طلع يوم ثانـي ماتغـدى بهـا
منزله من صفيح وفرشته من حصير
ومصاريف قوته يحسـب احسابهـا
كيف تضحك له الدنيا وحاله فقيـر
ينظر بعين دمعتها علـى أهدابهـا
فرحته تصطدم بجدار عالي كبيـر
والسعـادة بوجهـه قفلـت بابـهـا
...................