ياقلب سامحني على كل زله ..

ميتووو · منذ /11-09-2009, 09:18 PM

ياقلب سامحني على كل زلة
أخطيت في حقك كثير وتماديت ....

علمتني دروب الهوى والمذلة
عليك ياقلبي قسيت وتجنيت .....

ياما نصحت وقلت من صد خله
لاشك ماطاوعت يومك تخليت ......

واليوم دمع الحزن عيني تهله
ياليتني طاوعت شورك وصديت .....

ياقلب أنا وياك نار ودله
من حزنها تشرب وأنا قد تقهويت .....

اصبر على بلواك والجرح شله
أدري ترى ماجت على ماتمنيت .....

أعاهدك لأهجر عنا الحب كله
وانسى سنين ماضية يوم حبيت .....

وإن جا مع الأيام طاريه قله
اني بعيد عنه من يوم قفيت ....

هاذي بدايتنا وهذا محله
ذكرى وأنا منها تعبت وتعنيت ......

ياقلب اصبر والصبر لاتمله
الصبر مفتاح الفرج لو تأنيت .....

بس أنت سامحني على كل زلة
ولا أنا في حقك أخطيت وأخطيت وأخطيت