طفولتك تحت المجهر

[أم خماس]

تعقيباً على مشاركة أم سعيد /

وفيني بثاره وشطانه الله يصلحني
<< مدري شلون تحملت نفسي ذيك الأيام ><"

سبحان الله لين قالوا: من شب على شيء شاب عليه

،،

بس مع ( عيايز الفريج ) كنت شغالتهم اللي ما جابتها أمهم البثرين ><"
مضطهده .. يعني مره فاهمين الوضع غلط ,

ايه عشانس تلبسين عبايه ع الكتف
وتروحين دايما لنجود وتتركينا

،،

كانت جدتي (منيره) الله يرحمها
تعطينا خمســـ(50)ـــــون ريال

ماشاء الله جدتس لحالس، ولا كانت تعطيس من ورانا

ومافيه أكبر وأغلى من خروفي اللي بغينا نموت يوم قرادتنا خلتنا نويدز (نطل) عليه
<- خطط أم خماس الفاشله )=

احمدي ربس حصلتي مغامرة مجانيه..
لو أنس داريه أنس منتيب كفو ماعرضت نفسي للخطر مشانك ..

،،

أما ميكي ما اذكر

طيب تذكرين طوق ميكي كان موضة ذيك الأيام ؟.
اللي يشبه لها السمايل
بس ناقصه علك ..

،،

تعقيب على مشاركة أم سلوم /

لاتؤذي هذي القطا ولترفق بالحيوان

يا إلهي ذا الشريط اللي مايطلع من مسجل السيارة،
اسم الشريط لمن يرغب باقتناءه / أطفال الإسلام ..

،،

سنجووووب ... وابن عرس ذذ

مغامرات جامبا كح كح
البطل الشجاع
صديق الأقوياء
دندن دندن دندن
جامبا جامبا
جامبام با .. الخ

،،

بس دايم نتطاق انا وام خماس بس هي دايمن الي تفوز لانها تعض

كش عليس

،،

بس منب معلمتكم شسويت

أعلمهم ؟؟

،،

طيب يا أم سلوم اختاري اللي بعدك،
ولا يعود خيار الاستضافه لـ أبلى سعديه ؟

[أبلى سعدية]

اقتباس المشاركة الأصلية كتبت بواسطة أم خماس طيب يا أم سلوم اختاري اللي بعدك، ولا يعود خيار الاستضافه لـ أبلى سعديه ؟

طفوله ممتعه يام سلوم ومبين انك برررريئه وهاديه
ليت الطفول تعود يوما
معليش يابنات انا مااقدرا ادخل دايما
فكل وحدة تختار من تستضيف
وبالتوفيق

[أم خماس]

نشيد كنت/ي تحبه / تحبينه أيام الطفوله ؟؟

علم بلادي علمـ(ن) أخضر
فيه شهادة حقـ(ن) تذكر
فيه السيف رمز القوه
...إلخ

::::


شخصيه كرتونيه كنت/ي تحبه/تحبينها ؟؟

كابتن رابح، وسامي اللي في الرمية الملتهبه
وو عبقور

::::


كيف كنت/ي ايام طفولتك شيطان/يه ولامؤدب/ه ؟؟

شيطانية درجة أولى

::::


ماهي المواقف اللي عرضت فيها اهلك للاحراج؟؟

والله أذكر مره رايحين مع أبوي سوق الغنم أنا وأم سلوم
عاد مايحتاج أنا أي رائحه تهيج العطاس عندي
وعاد تجيك ذيك العطسة اللي طلع معها كل اللي في راسي << وأنتو بكرامه
والمشكلة مامعي مناديل ولا أبوي
وش الدبره وش نسوي !!
قام أبوي الله يخليله لنا ويطول بعمره ويمش خشمي بطرف ثوبه
أمام مرأى من الشسمه وعادي الوضع طبيعي

وأذكر
شسمه مره يوم كنت في الابتدائي كنت مهووسة بشي اسمه رقص،
وكنت طالعه لدورة المياه وأنتو بكرامه،
وأنا راجعه للفصل كنت أمشي في سيب طويل وماكان فيه أحد،
ومير تسير علي أم الدواسر ..
وأبدا أرقص ، الله الله ورا ورا ورا ..
عااااشوا ..
ولا ذيك الأبلا اللي مدري من وين طلعت !!
وتناظرن نظرات استحقار ..
وأنا وجهي غدا قوس قزح ،
ومير تروح تعلم امي الله يصلحها << طبعا كانت أمي مدرسة بنفس مدرستي ..
وتهزأن
وتهاوشن -عند أبوي طبعا- تقول المدرسة موب للرقص :/
مير لو حاطين لنا حصة رقص تسان أحسن ذذ
عاد المهم ان عقبها تبت معد أرقص الا في العروس ذذ


وفيه موقفين محرجاتن جدا،
ودي أذكرهن بس المقام ما يسمح

::::


هل كنت شخص ذو شخصيه قويه أم مغلوب عليه ؟؟

حسياً قوية
معنوياً مغلوب علي وبشدة :/

::::


اكبر عيديه جمعته/جمعتيه كم ؟؟ ومن مين ؟؟

الله المستعان ماكنا نعرف هالأشياء
ما أذكر الا حلاو بودرة الملون الطويل وعسكريم لونين
تجينا كل عيد والحمدلله

::::


يوم كنتي صغيره تسوين جدايل والا كاريه ؟؟<<للبنات بس

كاريه طبعاً يوم شعري قصير

::::


يوم كنت/ي طفل/ه تلع/بين بكمبيوتر العائله ؟؟

لا ماكانوا يلعبوني به لأني بزر

::::


يوم كنتي تلبسين مريول المدرسه هل تحطين شباصات ميكي ماوس
وشرايط بيض ؟؟ << للبنات

شرايط بيض لزوم القرنين يوم طال شعري

::::


من كـان يدلعك أكثر أبوك او أمك ؟

الله يخلف علي
ماكان يدلعني الا جدي الله يغفر له ويرحمه ،
يوم خذ الله أمانته دلعت عمري





أختار من بعدي /
أختنا في الله ..

أم علاوي ..
والله ياطفولتها مليئة بالمواقف الخطيرة ..