آه يا القهر : أراضي عرقة توخذ منهم وتباع عليهم باغلى الأسعار ؟

[الحجاج بن عرقة]

باعتقادي ان أهل عرقة حلالهم يبدأ من عرقة القديمة وينتهي باول ظهرة لبن ، يعني يملكون عرقة القديمة وحي مشعل والمنح وشعيب مهدية وشعيب أوبير وما بينهما وما جاورهما وما اسفلهما وما فوقهما مثل ما كانوا يملكون حي السفارات الذي بيع بأبخس الأثمان ووزع على كل من هب ودب حتى اللي ما له إلا سنة ساكن بعرقة !! .

ولكن يا للقهر شعيب مهدية وشعيب أوبير سطى عليه مجموعة قليلة من الوافدين على عرقة ومن خارج عرقة ثم زعموا أنهم أحيوا الأرض ومن ثم باعوها بملايين الريالات ثم جاء سمو الأمير واشترى ربع عرقة ولا نعلم من اللي استلم ؟ وخططها وباعها على علينا وعلى غيرنا ثم جات الدولة وكملت الباقي وخططت مخطط كبير وما استفاد منه أهل عرقة إلا حول 20% منالمخطط وزع فقد على كبر السن وحرم منه الكثير ومنح الكبير والصغير والوزير وإلا عنده منحه والا ما عنده منحه من شتى انحاء المعمورة حتى صارت عرقة مثل عرفه مليانه من كل الجنسيات !! والله يرزقهم ولكن ذولا بدوا يتحكمون في الاسعر صاروا يبنون فلل واستراحات وتباع بغالي ما تقول إلا أنك في حي النخيل او الربوة وتخيلوا فلة جنوب مسجد العيد دايخه وتصميمها الخارجي اي كلام ويقول راعيها مسيومة مليون وسبع ميه وتوه يبي اكثر !! والاراضي الله لا يورك ؟! بيعت في مخطط الراشد من الستميه والسبع ميه للمتر واللي شرى قسمها وعرضها بالف وميتين !! حتى حسبنا عرقة منطقة مركزية حول الحرم والمشكلة انها براري والارض تحط في مكاتب العقار ولا يبيعها راعيها لأنها جات ببلاش ويبي يبيعها بالملايين ولا بعد اللي ما لحق وخذ منحه جا للمرافق والحدائق وطبق عليها وسلموا لي على البلدية !!!!!!!!!!! .

الحين عرقة من اعلى مناطق الرياض والناس تحسبها منطقة راقيه تلصح للسكن !! ايه هين ذاك اول !! ام االحين فهي ما تسوى خاصة بعد افتتاح الدائري اللي يمر جنوب عرقة وهذا بحيول طريق الامير مشعل الى خط سريع والسيارات فيه ما تفرقه عن طريق اللملك فهد ، واذا حنا متوذين منه ومن كثافة السيارات والسرعة الجنوني والحوادث المميت اجل كيف بيصير الوضع بعد سنة ؟! الله العالم انك بتحتاج نصف ساعة حتى تاصل بيتك وانت عند الدوار الاول .

ايه يا عرقة سرقوك من اهلها وقريبا بتندثر وتتحول الى مجرد حي يتبع الرياض خاصة مع اندثار الآثار والله ان العين تدمع والقلب يحزن على وضع الظهيرة اللي ما قدرنا نحافظ عليها لان هي عنواننا وتاريخنا والحين العمالة سيطروا عليها وكل يوم ترميم والبلدية غاطسه في جمع المخالفات اما اهلها فما عاد تلقى لهم اثر وضاعوا بين هالبشر . اللي انا متعجب منه كثافة الجالية السودانية والسورية مع ان الاجار غالي جدا حتى انه يفوق شمال الرياض لكن عاد هذا حظنا يا اهل عرقة يطمس تاريخنا وتسرق اراضينا وحنا نتفرج ويا غافل لك الله .

وسلامتكم .

[صقر الطويلعة]

عرقاوي اصلي

كلام كبير ويستحق التوقف والتفاعل ليس من الاعضاء فقط


بل من (( الشيخ بن رواف)) نريده ان يتفاعل ويرد عن طريق منتدى عرقه فالمنتدى يمثل راي شريحه كبيره من اهل

عرقه يستطيعون ابداء ارائهم بدون مجاملات او تحفظ.....

نريد الرد على التساؤلات المطروحه نريد تفاعل يعكس شفافيه الشيخ الجليل لابناء عرقه

فلقد تعودنا من هذا الشيخ الوقور التعاون والدعم المستمر ولا اتوقع ان يبخل ببعض الايضاحات


صـــــــــــــــــــــــــــــــــقـــــــــــــــ ـــــــــــر

[Abdulaziz1978]

كلام كبير ومعقول

وإضافة إلى معلوماتكم اعرف ثلاث اشخاص ليس لهم دخل في عرقة لا من قريب ولا من بعيد جايتهم منح في عرقة ، ما اقول هذا حسد او كرهـ لهم بالعكس اتمنى كل شخص على الكرهـ الارضيه يمتلك ارض وبيت ومزرعه ...

لاكن احنا اهلها واولاء فيها

والمضحك ان واحد منهم ما يعرف عرقة ولا عمرهـ طبها غير يوم جته المنحه كلمني يقولي بسير عليك عشان يشوف منحته

<<< طبعاً انا جالسه تقطر سعابيلي

[برنس عرقة]

عرقاوي تكفى لا تزيد الجرح جرح
تصدق يا عرقاوي انا مره كانت جالس مع واحد اعرفه بالمرره قالي وش اخبار عرقة وكيف الاراضي
قلت له ... الله يخلف الاراضي راااااااااااحت معد فيه منح لأهل عرقة لكن الي برى يبشر بمنحه
( ** عذراً ما كل ما يقال يصدّق ** )
حبيب قلبي
اقول ردد ياااااااااااا ليل مطولك
اذا منحت في عرقة

وتحيااااااتي لك

[جوكر عرقه]

(*** لا يجوز الدعاء على مسلم *** ) وهو مجرد ظن فقط.
الله يخلف عليكم يا اهل عرقه بس والله انكم حبيبين ناس من برى عرقه عندهم منح ولا الي يقهر بعد يبيعها لك وهو ماله دخل في عرقه نحن لانريد شيأ بس نريد الراحه والاطمأنان والحق مايذهب ابدا وتلقونها عند رب العالمين الى اقوى من الجميع . اخوكم / ابو ايوب

[برنس عرقة]

انا استغرب من الادارة ليش الحذف
الواحد لما يقول الحقيقه والشي الي حاصل ما تصدقونه
ولا تبون الواحد يجلس يطبل ويمجد لبعض الناس
والاغرب من ذلك لما تكون فيه مواضيع حساسه جدا الاحظ المراقبين يتحاشون الرد وش السبب ؟

[الحجاج بن عرقة]

*

أخوي صقر

الشيخ محمد الرواف ما به قصور ولكن العذروب من أهل عرقة

*

أخوي ابو عبدالعزيز

80% من المنح ما هي لاهل عرقة وهذا اللي يقهر على الاقل حنا اولى بها واذا وزعت علينا الباقي بالهنا والشفا

*
اخوي برنس عرقة

الله المستعان ، ما اذكر ان واحد من عرقة منح من الأمانه مباشرة الا الي معه واسطة ولجنة التوزيع بعرقة ضرت الكثير مع الاسف وحرمتهم من المنح

ويد اني قريت اللي محل المكتوب بالاحمر لكن شكله تعديل من ادارة الموقع هداهم الله عاد كن عندهم الكلام الحقيقي عشان يكتب ما كل يقال يصدق وما دروا ن ما هنا رماد بدون نار

[عبدالعزيز المرشد]

أخوي عرقاوي أصلي صدقني نحن نحترق كما تحترق، لكن من الصعب أن نسمح بذكر قصص غير موثقة. فلذلك جرى التنبيه يالغالي.

[الحجاج بن عرقة]

أخوي جوكر عرقة

حتى تلاعبوا بالاسعار وهي ما تسوى


أخوي ابو حمدي

احلم


أخوي برنس عرقة

لا تلومهم ، بعض الكلام ما يجوز

[ابو حمدي]

اخوي عرقاوي اصلي احبك في الله
موضوع على الجرح لكن زي ماقالوا خلك قريب حبك يزيد وافهم يافهيم