آه يا القهر : أراضي عرقة توخذ منهم وتباع عليهم باغلى الأسعار ؟

[H.K.M]

اقول تكتبون ولا ماتكتبون والله انكم تطمحون الحين الواحد ما يبي منحه في عرقه يبي لو في بغداد بس اهم شي تجيه منحه ورددو يليل ماطولك.

[محبوب عرقه]

بعد قرأتي للموضوع وللردود قلت لنفسي راح اسال الوالد عن الامور الحاصلة بعرقة من ناحية منح الاراضي فقال حفظه الله واطال الله بعمره بأن الشيخ محمد بن رواف له الفضل بعد الله سبحانه بان يمنح الاراضي لأهل عرقه سواءً الكبير والا الصغير اللي توه مطلع بطاقة احوال .. وبعد ماجت الموافقة بمنحهم وتوزيعها لأصحابها وتبقى هناك بعض الاراضي فقام حفظه الله ((بن رواف)) برفع خطاب إلحاقي للي مامنحوا اراضي فتمت الموافقة لهم .. ليس دفاعاً بل للمعلومية فقط فأنا من اهالي عرقة ولم امنح ارض . فلماذا كل هالقهر.. فالصبر مفتاح الفرج .

[~ نيشان ~]

بصراحة ... عجبني ... رد ... محبوب عرقة

الصبر مفتاح الفرج...

[الحجاج بن عرقة]

محبوب عرقة

حفظ الله والدك واطال عمره على طاعته ورزقك بره لكن امير عرقة ابدا ما عطى كل واحد معه بطاقة واللجنة اللي معه ردوا ناس كثير بدون سبب ويوم وزعت الاراضي وانتهى الموضوع وجاء للامير شكاوي رفع الأسماء ولكن فات الفوت وانا لي خوان كان معهم بطاقات وما خذوا شيء بدون سبب . ولعل ابوك اختلط عليه الامر بين اراضي حي السفارات اللي راحت شربة مويه واراضي المنح .

[محبوب عرقه]

اقتباس المشاركة الأصلية كتبت بواسطة عرقاوي أصلي محبوب عرقة حفظ الله والدك واطال عمره على طاعته ورزقك بره لكن امير عرقة ابدا ما عطى كل واحد معه بطاقة واللجنة اللي معه ردوا ناس كثير بدون سبب ويوم وزعت الاراضي وانتهى الموضوع وجاء للامير شكاوي ورفع الأسماء ولكن فات الفوت وانا لي خوان كان معهم بطاقات وما خذوا شيء بدون سبب. ولعل ابوك اختلط عليه الامر بين اراضي حي السفارات اللي راحت شربة مويه واراضي المنح .

هلابك اخوي عرقاوي اصلي... انا ما راح اقول ان كلامك موصحيح بس ما اتوقع ان الامير قال هالكلام بس راح اتأكد من كم شخص وأعطيك الخبر الاكيد ...
بالنسبة لأراضي حي السفارات حسب المعلومية ان الدولة قامت بشراء الاراضي وليس كما تزعم بانها راحت شربة مويه , بل جاء لكل شخص مُنح له ارض بالسفارات في ذلك الوقت لأهالي عرقه وهم من سكانها بما يقارب 12.000 ريال سواءً الكبير وألا الضغير واما الاشخاص اللي سكنوا خارج عرقه في ذلك الوقت وتم منحهم اراضي بحي السفارات بأعطائهم مبلغ 6.000 ريال . وهذا التوزيع ماجاء من فراغ فاحببت توضيح ذلك .

[الحجاج بن عرقة]

وش أخبار الأراضي ؟

نحي الموضوع لعل فيه فرج