السلام عليكم ورحمة الله وبركااته ,,
شلووونكم ,,
هاي الله يسلمكم من يومين واناا جالسة على الكرسي > يعني عندنا كرسي
واناا قاعدة اقرا في الجريدة الا قريت خبر حق وااحد بدلوه مع تركي ,,
وجاني احساس وشعور والهام وسهام ومنيرة
وجلست افكر وافكر وافكر وغفيت شوي ورديت صحيت وكملت تفكير
وقلت ليكون اناا بعد مبدلة !!
واروح حق امي المطبخ واقول لهاا
يمة .. يمة .. يمة
ماماتي > يقاال كشخة
الوالدة : وجعتين شتبين > حنوونة
هبول : اناا بنتج ؟
الوالدة : لا بنت جارتنااا ام احمد !
واروح ارركض وانااا ابجي .. و ع طول استلقي على السرير وامسك دبي واناا اصيح > وزز ما عندها دب بس تبي تسوي نفسها مثل البنات !!
لا جد .. .. و اروح اطلع الشنطة واحط فيها الاب توب وقوااطي الزيتون ..
وانزل والبس عباتي واكتب رسالة وداع لاهلي وال**ها على الباب ..
( الى اهلي النصابين اللي يقولون اني بنهم وانا مو بنتهم ,, تراني بروح الى الابد !! الى اللقاء
ابنتكم المخلصة > اخصص )
المهم واروح لجارتنااا ام احمد واطق الباب
واسمع هذاك الصوت اللي يوم سمعته فز قلبي وحسيت فييه بحنان الامومة ,,
ام احمد : خير وجع من اللي يطق الباب جذي
ويوم انفتح الباب
اقعد اصيييح واضم المرة اللي فتحت لي الباب >>
يمة يمة اشقت لج ليش تتركيني شسويت انا لكم ؟
ام احمد : والله مو بيدي بس ابو احمد غصبني >> تعيييش الجو بسرعة
واقعد اصيح : يعني اناا صج بنتج ؟
ام احمد : هاا شنو بنته الله يهداااج .. روحي بس روحي
اناا : بس انتي امي !
ام احمد : كفاية علي لعيال اللي عندي بتزيديني انتي بعد ؟
اناا : اللـــــــــــــــــــــه .. عندي اخوان بعد >
ام احمد : مب فاضية لج !! وجااخ .. تسكر الباب
وارجع للبيت واناا اركض وشعري يتطاااير .. ..> هالحركة نفسي اسويها من زمان
و من دون محد يشوفني اروح اشقق الرسالة > ابد محد قراها
وانقققز لحرجتي واحط قواطي الزيتون تحت السرير واكمل نوم
>>
طبعاا بعد اسبوع من السالفة كل الجيراان دروا بموضوعي وام احمد ما ظل احد ما قالت له وامي ارسلت نسخة الرسالة للكل ..
وصارت سالفتي على كل لساان
ما يستفاد :
١ - ترى اهلك هم اهلك ﻻتفكر تتركهم
٢ - كل السالفه نصب >> قولي قسم بس
٣ - ﻻ فكرت ان اهلك مب اهلك ﻻ تروح ﻻم احمد وتقول لها انتي امي
وترى السالفة كلها على بعضضضضهاا .. مب صج ! شفتهاا ونقلتهاا لكم بس بأسلوبي وتنسيقي وزدت عليهاا كم سطر
منقووووووول