قصيدة عشر وصايا ..حمد البريدي

[صمت عرقه]

بسم الله الرحمن الرحيم



السلام عليكم ورحمة الله وبركاته




صباحكم \ مساؤكم
فل وياسمين
رائعه من روائع حمد البريدي
وأحببت نقلها لكم




أبي يقول أسمع وصاتي وأنا أبيك
عشر وصايا قادحه من شراره


من تجربه الدنيا وجردن مهاليك
لقا بها الافراح عقب المراره


الاوله طيب النبا في ملاقيك
حافظ عليه ولا تنقص عياره


لاتغض عينك لاتكلم محاكيك
عطه على جوه وقدر وقاره


والثانيه من جاك زابن وناصيك
قله احرست ودارك تصير داره


وان صاح ابن عمك فلا تقول وشفيك
افزع معه واصمد على كل غاره


والثالثه خوة اهل الطيب تغنيك
والا ضعيفين الروابع خساره


ومن يضحك بوجهك وهو مايدانيك
كبه وخله يحترق وسط ناره


والرابعه لاحزت نصرك بأياديك
اقنع بنصرك لاتعاود مساره


لاتومي بنفسك بدرب المهاليك
مشين على الرجال كون انكساره


والخامسه خابرك وأنا مربيك
ماينفعك كثر اللعب والدواره


قلط ربوعك مجلسك يوم تأتيك
وخل الدخون يدور داير مداره


والسادسه رفيقك اللي يخاويك
سافر معه وتعرف ماكر حراره


اما رفيقن في مماشيه يحيك
والا فغير وجهتك عن مساره


والسابعه سرك يميتك ويحييك
عليك بالكتمان تاره وتاره


افشاء سرك عند من لايراعيك
مايرفع البنيان عقب انهياره


والثامنه من قبل لا اقول واوصيك
لا خير في جارن مايحب جاره


جارك عطه روحك وما تملك ايديك
ركد له الدله وشب المناره


والتاسعه لو يغلط بحقك اخيك
خذها بشحم وارفع مع الناس كاره


علمه ترى علمك وطاريه طاريك
عليك به لو كان ماله جداره


والعاشره حب الهوى جعل مايجيك
وان جاك فاالطف به وصونه وداره


يومن بيضحك بك ويومن بيبكيك
وياعزتي لك لاتعدى الستاره


واللي عن العشر الوصايا بيغنيك
عمود دين ونور درب ومناره


ترى الصلاه وبس هي من تنجيك
واللي ماهو يصلي حياته خساره

[خاتم ذهب]

نصائح من ذهب ...

تسلم ياصمت ....... رائع دائما

لاعدمناك

======

[عبدالمحسن المرشد]

ومن يضحك بوجهك وهو مايدانيك
كبه وخله يحترق وسط ناره

كلمات رائعة جدا ومؤثرة كروعتك حبيبنا صمت في إختيار القصائد المميزة ...دمت بخير

[صمت عرقه]

اقتباس المشاركة الأصلية كتبت بواسطة خاتم ذهب نصائح من ذهب ... تسلم ياصمت ....... رائع دائما لاعدمناك ======

ربـــي يسلمــــك

الارووووووع مروووووورك وتواجـــدك الدائــــم بطروووحاتي

لاعدمنـــاك ياذوووق

دمــتي بخيـر وود

[صمت عرقه]

اقتباس المشاركة الأصلية كتبت بواسطة عبدالمحسن المرشد ومن يضحك بوجهك وهو مايدانيك كبه وخله يحترق وسط ناره كلمات رائعة جدا ومؤثرة كروعتك حبيبنا صمت في إختيار القصائد المميزة ...دمت بخير

هلا واللـه باخــي عبـدالمحسـن

اسعدنـــي مرووووورك الرائـــع ودائـــم بطروووحاتي

لاعدمنــاك ياذوووق

دمـت بخيـر وود