ياضيقةٍ بالصدر طالبك تكفين

[صمت عرقه]

ياضيقةٍ بالصدر.. طالبك تكفين

عني تخلي.. وابعدي واتركيني


روحي تري بالصدر.. مثل السكاكين

زودٍ على همٍ.. قديمٍ دفيني


تكفين حسي.. الياذرفت دمعي العين

حسّي بعبراتي.. وحسّي بونيني


صرنا انا واياك.. بصدري خشيرين

وصارت علاقة ود.. بينك وبيني


جسمي نحل ارجوك.. مافيني يكفين

خليني احيا.. ما بقى من سنيني


الشعر يكتب.. في غرااام المحبين

وانا اكتبه لاجلك.. عسى تعتقيني


وياصدري الصابر.. الا يامسيّكين

اصبر ترى للصبر.. حدٍ وحيني


يزول همي.. وابقى واياك حيّيّن

والا نموت.. ويقضي الهمّ فيني


وترتاح مني.. ضيقةٍ بي لها سنين

وتبقى لنا ذكرى.. كتابة يديني


وان متت انا ياضيقتي.. لا تموتين

ابقي على مر السنين.. اذكريني


الوقت يشهد.. والليالي هي العين

اللي تشوف شلون.. قسوتك فيني

[عبدالله عبدالرحمن الجنوبي]

الشعر يكتب.. في غرااام المحبين
وانا اكتبه لاجلك.. عسى تعتقيني


صمت عرقة

نبض من نوع مختلف الله يعطيك العوافي وصح لسان الشاعر .موداتي

أطيب المنى ،،

[صمت عرقه]

اقتباس المشاركة الأصلية كتبت بواسطة عبدالله عبدالرحمن الجنوبي الشعر يكتب.. في غرااام المحبين وانا اكتبه لاجلك.. عسى تعتقيني صمت عرقة نبض من نوع مختلف الله يعطيك العوافي وصح لسان الشاعر .موداتي أطيب المنى ،،

اللــه يعافيـــك

صـــح بدنــك عــن شاعرهـــا

اسعدنـــــي مرووووورك الاكثــر مــن رائـــــع

دمــــت بخيـــر وود