ودي أموت وأعيش باكر

[أبو عبدالإله]

بسم الله الرحمن الرحيم

قصيدة رائعة وطريفة للشاعر أحمد الصانع

ودي اموت اليوم واعيش باكــر ..... واشوف منهو بعد موتي فقــدني
ومنهو حملني لين ذيك المقابــر ..... واشكر انا كل من كرمني دفنــي
وبشوف انا يرثني كم شاعـــر ..... ومنهو تركني وماكتب شي عنــي
وشخص تعنى لي مع انه مسـافر ..... وشخص قريب وانا ميت طعنــي
وشخص يمثل دمعته ماهو قـادر ..... وشخص تطيح دموعه الامن ذكرنـي
ومنهو من اهلي في العزا كان حاضـــر ومنهو يفز قلبه لامن لمحــني
ومنهو عشاني طول الأيام ساهـر ..... ومنهو ثلاث ايام رآآآح وتركــني
ومنهو يرتب غرفتي والدفاتـــر ..... وان شاف صوره لي مات وخضني
يالله عسى ماتغفى كل المشاعــر ..... ويالله عسى ماينصدم يوم ضــني
خايف يروح العمر واكون خاسـر ..... وان طار طيري مايفيد التـــمني
وخاي يجيني وقت اكسر الخواطر ..... وان دارت الدنيا وزماني كســرني
ومدام هذي الدنيا صارت مظاهـر ..... وكل من على كيفه وجوه يغـــني
صحيح مسلم لكن الهم كافــــر ..... كل مابغيت اضحك يهددني حـزني
الضيق واقي والحزن حيل وافــر ..... والجرح اكثر شي شفته يحــبني
عايش وميت بين ماضي وحاضـر ..... والصبر مفتاح الصبر ضاع مـني
قل وش تبي؟ وتتركني ياحزني آمر ..... مسكين رحي تصديق انه وحشني
شاعر ولا كني ماني بشاعــــر ..... ودي اموت اليوم وارتاح مــني
ولمن أراد سماعها منشدة من المنشد عمر العمير

[عبدالمحسن المرشد]

ودي اموت اليوم واعيش باكــر ..... واشوف منهو بعد موتي فقــدني
ومنهو حملني لين ذيك المقابــر ..... واشكر انا كل من كرمني دفنــي

رائعة هذه الأبيات بما إحتوته من معاني وهذين البيتين جدا قمة في الروعة ..تسلم حبيبنا ابا عبدالإله على هذا الأختيار الجميل ..دمت بخير

[خاتم ذهب]

لا أجدها ابيات ظريفة ...... قمة الحزن ياأباعبدالإله

اخاف الموت جدا ....... وهذه الأبيات اقلقت مضجعي والله

احسن الله لنا الختام .. عندها لن يهمني من بكاني او فرح لفراقي

اشكرك يامميز

======

[ولد الدخيل ابو فهد]

شاعريه لطيفه انسيه بها جوانب كثيرة


كل الشكر على الطرح