بربك ما وحشك اسمي ولا وحشتْك أشعاري

[صمت عرقه]

عساي أطري على بالك واجيك بغفوتك طاري
مثل ماكنت أجي في طاري الحب الحلو غفوة

ولي في داخلك ذكرى وبك مستودع أسراري
ولك في داخلي لامن ذكرت ايامنا صحوة

وصوتٍ يصرخ بقلبي يشب من الوله نااري
وعبرة تخنق حروفي الين أبدا بها بكوة

وعزفٍ مالقى نفسه سوى في أوهن أوتاري
ونزفٍ كلما شفته أقول لخاطرك فدوة

حنينٍ طالني بعدك يجيب أيامك لداري
ولومٍ يستلمني من بعدت وزادت الفجوة

هلكني طيفك الغالي يمر مرور إجباري
معي لا جيت أتسند معي لا خذت لي خطوة

هنا كلمتك أشكيلك عناي وحالة أقداري
هنا سولفتلك مرة وانا اشرب كاسة القهوة

وكان فراقك مقدر علي بنص مشواري
وكملت المشي وحدي وطالت مشيتي كبوة

تمنيتك لو تلبي نداي وتنفض غباري
صرخت بكل ما اعطاني إله الكون من قوة

نسيت انك بتتحدى البشر وتبطل حماري
وتكسر كبري الجاير ياعمري ليه وش دعوة؟

بربك ما وحشك اسمي ولا وحشتك اشعاري؟
ولا سامرتك بليلة ولا غنيت بي غنوة؟

أمانه لي قدر عندك؟تهمك آخر أخباري؟
تراي أتعب وأنا احلل وش المقصود بالقسوة؟

تعبت أعلم أحبابي صعوبة طلعة أعذاري
إلا منها خذتني للغلط في حقهم هفوة

ألا ليت الزمن يرجع وأشوفك حول أنظاري
وليت ان الأمر بيدي لا ارد أيامنا الحلوة

طلبتك كانه بخبري غلاي وقو مقداري
تجاوبني وش اسباب الصدود وخيبة الهقوة

هنيك يوم لك قلبٍ عطاك تبيد آثاري
وانت آثارك بقلبي تسوي داخلي غزوة.




اتمنـــى تنــال اعجــابكم

[نور عرقه]

حنينٍ طالني بعدك يجيب أيامك لداري
ولومٍ يستلمني من بعدت وزادت الفجوة

هلكني طيفك الغالي يمر مرور إجباري
معي لا جيت أتسند معي لا خذت لي خطوة


سلمت يمناك , رائعه ,

[صمت عرقه]

اقتباس المشاركة الأصلية كتبت بواسطة نور عرقه حنينٍ طالني بعدك يجيب أيامك لداري ولومٍ يستلمني من بعدت وزادت الفجوة هلكني طيفك الغالي يمر مرور إجباري معي لا جيت أتسند معي لا خذت لي خطوة سلمت يمناك , رائعه ,

اللـــه يسلمـــــك


الاروووووووع مرووووووووورك العطـــــــــــر

تسلمــــــــــي ياذووووووووق

دمــتي بخيـر وود