ياطول صبري عليه /حمــدان المــري

[صمت عرقه]

ياطول صبري عليه وما اطول المدّه
والنفس مابين مأمورة ومنهية


الحب والشوق والضيقات والصدة
حطت على وجهي المغبون ماريّه


احدٍ زها له سواد الخال في خده
واحدٍ بخده من هموم الدهر كيه



يقفي به الشك صوب اللوم ويرده
واذا رجع مالقى الا رسمة ثاريّة


وتزيد به ضيقة العشاق وتهده
يبكي على حاجة ماهي بمبكية


يزل واقول يمكن ماهو بوده
غلطة ويمكن على ماقيل عفوية


حتى ولو قالها قاصد ومن جده
يشفع لحاضر غرامه زين ماضيه


اعشقه واشتاق له اهواه واوده
ومن الغلا نسبة المليون فالمية


ألد عيني لكن ماهيب منلده
هو اول الحب في عيني وتاليه


غر قلبي على النسيان واحده
لاشك عيا من النسيان موليه


عزي لحالٍ على فرقاه منحده
وعزي لقلب الا من حل طاريه


يتوق توق الوحش في كف من هده
لاطار مالد عيني صوب راعيه


ياشين فرقى اللذي تغليه وتوده
لاصار حيي ولاتقدر على جيه


جعل ربي يصبري على الشدة
لين مايجتمع غالي وغاليّه


لو طال صبري عليه وطالت المدة
ياحيي شوفه قبل لااموت ياحييه





هذي القصيده للشاعر المبدع


*** حمدان المـــــــــــــــــري ***

[الدبلوماسي]

صح السانك

ولسان شاعرها


كلمات فى منتهى الرقه وفى منتهى الذوق

صراحه ابدعت اخوي صمت على هالاختيار

ودي للروحكـ

[صمت عرقه]

اقتباس المشاركة الأصلية كتبت بواسطة الدبلوماسي صح السانك ولسان شاعرها كلمات فى منتهى الرقه وفى منتهى الذوق صراحه ابدعت اخوي صمت على هالاختيار ودي للروحكـ

صــــح بدنــــك

اسعدنـــــي مروووورك الأكثــــــر مـــــن رائــــــع

تسلـــــــم ياذووووووق

الله لا يحرمنــا مـن هالطــله

دمــت بخيــر وود

[وحداني الرياض]

الحب والشوق والضيقات والصدة
حطت على وجهي المغبون ماريّه


صح لسان قايلها
وتسلم يمين ناقلها

[صمت عرقه]

اقتباس المشاركة الأصلية كتبت بواسطة وحداني الرياض الحب والشوق والضيقات والصدة حطت على وجهي المغبون ماريّه صح لسان قايلها وتسلم يمين ناقلها

صــح بدنــك عـن شاعرهــا

اسعدنــــي مرووورك الرائــــــــع

تسلـــم ياذووووق

دمــت بخيــر وود