لاتنصحوني ترى مافينـي كافينـي//
وانا قنوعٍ بااللي الله قاسمـه ليـه
خلوني امشي مادام ان الله معافيني//
لاتمنعوني عن الروحـات والجيـه
لابد ماالشيب وإلا المـوت قافينـي//
واصير من عرض ناسٍ مالها نيـه
بي علةٍ مالقيـت اللـي يداوينـي//
عنكم وعن غيركم باالصدر مخفيه
شيٍ مخفى ولا انتم فيـه دارينـي//
وأضحك واجامل لكم وأنا البلا فيه
من صاحبٍ مامشى ليه على الزيني//
وانا اشهد انه ذبحني لعنبـو حيـه
كم ليلةٍ من حـلا نومـي ينادينـي//
وافز واقف احسـب انـه حواليـه