تراااانيم ماسيه

[عبدالرحمن القاسم]

قد نصادف في بعض الاحيان (بيت) شعر يعتبر من السهل الممتنع
ويكاد يعادل قصيده كامله
من جمالية البيت وقوة سبكه واختصاره
وهذا لا يمكن ان يكتبه الا شاعر متمكن
ودائما مايكون مضرب مثل

وعلى سبيل المثال بيت الشاعره نوره الحوشان
(اللي يبينا عيت النفس تبغيه.... واللي نبي عيا البخت لا يجيبه

ايضا بيت لاحد الشعراء للاسف لا اعرف اسم قائله قد يكون فيه شئ من الدعابه
ولكنه مختصر مفيد
( يافقر قللي وش تبي من ورانا......زود ن على فقر الدراهم فقر دم )

ولعي في مقال اخر انقل لكم مقتطفات من بعض الابيات
وشكرا للجميع
عبدالرحمن القاسم

[سلمان عبدالله البريدي]

عبدالرحمن بن قاسم

هلابك
والف شكر على هذه الوقفه الجميله

وبالفعل كم من بيت يعادل قصيده كامله

اللي يبينا عيت النفس تبغيه ...... واللي نبي عيا البخت لايجيبه

بيت يردده الجميه واصبح مثلا شائعا


ننتظر نغم ترانيمك بكل الشوق
تقبل خالص التحية

[عبدالرحمن القاسم]

اشكرك ياسلمان علي الترحيب ويعطيكم العافيه

وفيه عندي اكثر من اقتراح راح ابديه في الايام الجايه لخدمة هذا الموروث
الجميل ولكن بحكم ارتباطاتي هذه الايام على
هامش الجنادريه قد ما اكون متواجد بصفه مستمره

وبالاخير انا يهمني خدمة الشعر بصوره تجعلنا نفيد ونستفيد
بعيدا عن المجامله على حساب الشعر
واتمنى للجميع التوفيق


عبدالرحمن محمد القاسم

[أبو عبدالإله]

العم قوقل يقول أن البيت

يافقر قللي وش تبي من ورانا......زود ن على فقر الدراهم فقر دم

للشاعر زامل الحميدي السبيعي وفي رواية أخرى أنها للشاعر سعد بن جدلان الأكلبي وهذه تكملة الأبيات

يافقر قلي وش تبي من ورانا .......... زودِ على فقر الدراهم فقـر دم

ما حاشت يدينا غدابه عطانـا ......... نبذل ولا نحسب يدينا عطت كم

ولابه رصيدٍ عندنا من يدانـا..........الا الفعول الطيبه وخشية الذم

لو نستلف للغدا مـن عشانـا.........نصبر ولو احوالنا كلهـا هـم