رد على اهداء سطام ابن حمد ..!!

[عبدالرحمن المالك]

رد على اهداء \ سطام بن حمد المالك ..!!



عند الموادع دمع عيني غلبني
..... وطاحت بي الدمعه على كف سلطان

احب يمني عمي اللي حشمني
..... ومن لامني في حب (عبدالرحمن) غلطان

شيخٍ بالاخلاق الكريمه ملكني
.... بالمرجله فارس وبالرحمه انسان

من يزرع المعروف لابد يجني
.... ومن يفعل الاحسان يجزي بالاحسان

والي يريد المجد لابد يبني
.... في قلوب وعقول المخاليق بنيان

أفاخر بعمي علي الناس واثني
.... يستاهل البيضا سلايل كحيلان

له موقفٍ عند الملمات يثني
.... (عبدالرحمن) موقف والتجاريب برهان

إلي انتهض يكفي وإلي مد يغني
..... إلي تكلم كل شئ معه لان

إلي وعد يوفي وإلي قال يعني
.... إلي ارتكي للحمل شاله بليهان

بالطيب جاوز كل هقوه وظني
.... الله يوفقه السعد وين ماكان

(( سطام بن حمد ( منقوله ) ))



استلمت القصيده المهداه من سطام بن حمد
........................يا الله عساه با الهدايه يطول
واقول فيها ياولد اخوي حمد
.......................اطع ربك ولا تنسى راعيه الفضل
امك اللي حملت وارضعتك في كبد
......................صابره عليك في صغرتك بعد الحمل
انصح نفسي با الهدايه وانصحك في مدد
.....................ان توصل اهلك وعشيرتك ولاتقطع الامل

وسلامتكم ....
(( عبدالرحمن المالك ))

[عرقاويه وكلي فخر]

صح لسانك والله يعطيك العافيه
على الكلمات الرئعه
والله يخليكم لبعض ..!!

[سارونه]

يعطيكم الف عافيه على القصايد
الله يهدي الجميع يارب

[بنوته عرقه]

صصصح لساانك
والله يعطيك الف عافيه

[الحجاج بن عرقة]

إيه عاد ترى ما هي قصيدة سلطان بن حمد هذي قصيده معروفه وحنا بنقول انها هدية من سلطان بن حمد الى عمه الله يحفظه بحفظه

اما قصيدتك حقت الرد فانا ما لي في الشعر

[بنوته عرقه]

اقتباس المشاركة الأصلية كتبت بواسطة الحجاج بن عرقة إيه عاد ترى ما هي قصيدة سلطان بن حمد هذي قصيده معروفه وحنا بنقول انها هدية من سلطان بن حمد الى عمه الله يحفظه بحفظه اما قصيدتك حقت الرد فانا ما لي في الشعر

احسسك جاي معصب مدري وش فيك < اي عاد < اسلوبك فاصل عن العالم كلها<كانك جاي معصب ويا اسلوبك << ؟؟؟
يا اخوي < سلطااان؟؟؟ اخبره سطام , وش سلطان ؟؟
طيب وش دخلكم هديه مو هديه ؟؟:mad3:
طيب واذا كانت معرووفه .؟ وش دخلكم فييه اهو حر بنفسه يعني تبون تقنعوني انو كل اللي بالمنتدى مو مسسسسسسسسسسسسسسسسسسروقه كلها لطططططش مو بس سطام وماااااااالكم شغل بالناس

[عرقاويه وكلي فخر]

اقتباس المشاركة الأصلية كتبت بواسطة الحجاج بن عرقة إيه عاد ترى ما هي قصيدة سلطان بن حمد هذي قصيده معروفه وحنا بنقول انها هدية من سلطان بن حمد الى عمه الله يحفظه بحفظه اما قصيدتك حقت الرد فانا ما لي في الشعر

يعطيك العافيه ياالحجاج من عرقه بس حبيت اقولك انو القصيده
محد نسبها لنفسه..عفون اسمه سطام بن حمد مو سلطان

[برنس المالك]

الله الله
لاهنت يا ابو عبدالله ويا ابو حمد طيب دامكم كذا شعار ماشاء الله
وراكم ماتشاركون في شاعر المليووووون وينهم عنكم

تقبلوووو مروري

[الحجاج بن عرقة]

خيتي بنوته

ماني معصب ولا شي وسلطان وسطام اخوان ما هنا فرق كلهم عينين براس امهم والقصيدة سطام ما نسبها لنفسه وهي هدية منه لعمه ولكن جى في بالي ان عمه يحسبه صاحب القصيدة لانه قال رد على قصيدة سطام

اما لطش المواضيع فهذي مسؤولية الادارة انا ما لي شغل

وما لي شغل بالناس بعد ولا تزعلين


خيتي عرقاوية وكلي فخر

انا ما قلت ان سطام نسبها لنفسه وحاشاه ذلك ؟

آسف لازعاج احباب المالك وحنا من احبابهم وهم من احبابنا

وسلامتكم ولا يزعل احد

[عرقاويه وكلي فخر]

اقتباس المشاركة الأصلية كتبت بواسطة الحجاج بن عرقة خيتي عرقاوية وكلي فخر انا ما قلت ان سطام نسبها لنفسه وحاشاه ذلك ؟ آسف لازعاج احباب المالك وحنا من احبابهم وهم من احبابنا وسلامتكم ولا يزعل احد