قصيدة/في الشيخ(عبدالرحمن الجريسي)

[أبو نواف]

صــــيته عبــيرِ عــم كــل النــحايا
(قصيدة موقف في الشيخ عبدالرحمن بن علي الجريسي أمد الله في عمره.)

بديت أنا بالقـــــاف والـــــفكر محتار..........عــجز القلم يجــمع كثير المزايا

في شــــيخنا رفــــعة وعـزة ومقـدار..........ومن الكرم تعجز تحـصر العطايا

حسن الخلق والطيب والجــود مدرار..........مثل المـطر يسـقي فياض وقرايا

شامـــت له العـــــليا ولا هـيب تختار..........إلا الشجاع القرم عـذب السـجايا

(أبوعلي) فـــي عــزة النفس جبار..........إليا نصـــيته نلـــت جــزل الحذايا

واليا نــــخيته وقــــفته مثل سنجار..........وقــــفة عقــــــيدِ قائــــدِ للــسرايا

هذا قلــيلِ من كثـــــيرِ وش اخـــتار...........ما أوفيه حـــقه لو أكــيل التـحايا

فخر(الجريسي) عزوتي واصِل بار..........صيــــته عبــــيرِ عــم كل النــحايا

من حـــقنا نفــخر وننـظم به أشعار..........متواضــــعِ للكـــــل حســـن النوايا

أشـــهر عــلم يذكــر وفي قمـته نار..........اسم (الجريسي) فوق هام العلايا

تشـــهد له الأعـيـان في كل الأقطار..........من الشـــمال ألين وادي المـضايا

هذا الصــدق واضـح ولا شابه غبار..........(أبوعلي) منــزلك وسـط الحـنايا

الله يجــيرك من صــواديف الأقـــدار.........وأشـــوف زولــك دايـمِ في سمايا

يحـــفظك ربــي دعـوة اصغار وكبار..........طلبـــت ربـي مــا يخــيب رجــايا

وصـــــــلاة ربي عد هـــتان الأمطار..........علـــى رســـولِ شـــافعِ للبــرايا

إبراهيم بن حسن مبارك الجريسي
نشرت في جريدة الرياض العدد15908يوم الجمعة19صفر1433هـ13يناير2012م

[عبدالعزيز المرشد]

صح لسانك

ويستاهل والله أبوعلي

أبو نواف صراحة أبيات متعوب عليها

[أبو نواف]

اقتباس المشاركة الأصلية كتبت بواسطة عبدالعزيز المرشد صح لسانك ويستاهل والله أبوعلي أبو نواف صراحة أبيات متعوب عليها

أخوي الغالي /عبد العزيز....صح الله بدنك وماعليكم زود( ياآلمرشد )والله أنكم تستاهلون أجزل قصيدة...تحياتي

[ابو حسن]

هذا الصــدق واضـح ولا شابه غبار..........(أبوعلي) منــزلك وسـط الحـنايا


صح لسانك شاعرنا أبو نواف....ويستاهل العم (أبوعلي) هذه القصيدة الرائعة تقبل مروري

[سلمان عبدالله البريدي]

صح الله لسانك شاعرنا ابو نواف

وبيض الله وجهك على هالأبيات الجزله

ويستاهل الشيخ عبدالرحمن


سلمت وسلم ابداعك
تقبل خالص التحية

[النادر]

قصيدة جزله وفي رجال كفو واشهد انك شاعر جزل