استفتاء

[محب لبلدتي]

لاحظت ان هناك حملة ضد رئيس بلديتنا المهندس خالد بن سليمان الرويشد ياليت نطرح السلبيات الي ترونها فيه والايجابيات وياليت ياشاركونا موظفي البلدية وأهل عرقة الي راجعوة ونشوف وأنا اجزم ان توقعي سيكون في محلة ولكن بعد الاستفتاء
مثلا
ممتاز لانه
جيد لانه
سيئ لانه
حتى نشوف الخلل وين وابداأ بنفسي

ممتاز لانه عطاني سيارة ويعطيني بنزين ورفعلي خارج دوام
سيئ لانه فيه شدة ويطلعك منا ويظهرك منا ( داهية ) بالعربي


يالله نفتح الحراج

[الحكيم العرقاوي]

سيــــــــىْء....

انســـان متكبــــر يمر من عندك سلام مايسلــــم...

انســـان يعامل ناس بطريقه وناس بطرقه اخرى ((مع انهم كلهم مواظبين على العمل))

وأشيـــاء المقام هنا مايســــمح اقولهــــا....

[عشقي هواها*]

الاخ محب بلدتي..<<اقتراح لو وضعت الاستفتاء عن البلديه واعمالها لكان افضل
وليست هناك حمله ضدة ..بل النقاشات تدور حول البلديه فقط سواء كان المهندس اللذي ذكرت اوغيره

[برنس عرقة]

انا واعوذ بالله من كلمة انا مره كان عندي مراجعه للبلديه وقابلت الرجل وعرفته بنفسي وعن مكان عملي علماً اني اول مره ارى هذا الشخص ثم حولني للشخص المتخص طبعاً انا رحت للشخص الي حولني عليه وبرضه عرفته بنفسي وعن عملي وشرحت له مشكلتي بعدها عطاني خيار ثم وافقت عليه والحمدلله خلصت المعامله

طعباً اخوي محب بلدتي احب اقولك انه جيد
وبرضه لما نراه من تشجير في عرقة ونظافه

[فتى الصبيخه]

مساء الخير .مع احترامي لشخص مدير البلديه من يكون حتى نحط له استفتاء هو موضف وضعته الدوله براتب شهري ليخدم المواطنيين مثلي في مجال عملي اخدم المواطنيين ومثلك ومثل اي شخص اخر يستلم راتبه من الدوله اخر الشهر .وارجع واطرح عليك السؤل مره ثانيه ..... وش عمل لعرقه من مشاريع صغيره او كبيره ...تحياتي للجميع

[من أهلها]

يا أخوان الرجال هو وذمته وبعدين إذا بتسأل أسال اللي في البلدية هم أدرى بالرجال من غيرهم وبعدين الناس مقامات أنت ولد ال فلان و وولد ال العز ال فلان من دون ذكر أسماء . مشكور

[فتى الصبيخه]

صباح الخير .اخوي من اهلها وش دخل المقامات وال في رجال موضف حاطته الدوله مدير بلديه يسير امور الناس .ووش الي من دون ذكر اسماء ؟؟؟؟؟؟؟؟؟ ..تحياتي

[بركان المشاعر]

سيئ لانه مايعرف اسامي الموظفين الي عنده

واي مووظف يدخل عليه يطرده

واول مره اشووف مدير مايجتمع بموظفينه من جا للبلديه ولا مره اجتمع فيهم

ويداووم من 9 ويطلع 12 والا يجي 8 الا عشر ويطلع تسع ليش هو على راسه ريشه

يكفي المهندسين الي نقلهم

ويكفي اول ماجا للبلديه نقل 7 والحين كلهم ماسكين مناصب في بلديات ثانيه

[محب لبلدتي]

اقتباس المشاركة الأصلية كتبت بواسطة بركان المشاعر سيئ لانه مايعرف اسامي الموظفين الي عنده واي مووظف يدخل عليه يطرده واول مره اشووف مدير مايجتمع بموظفينه من جا للبلديه ولا مره اجتمع فيهم ويداووم من 9 ويطلع 12 والا يجي 8 الا عشر ويطلع تسع ليش هو على راسه ريشه يكفي المهندسين الي نقلهم ويكفي اول ماجا للبلديه نقل 7 والحين كلهم ماسكين مناصب في بلديات ثانيه

وين يجتمع فيهم فيه في مجلسكم انت شايف وضع البلدية مساكين حقين الدوريات 12 موظف في غرفة 4في 3 وتقول يجتمعون .
بعدين تقول اول ماجاء نقل سبعة هل تعتقد ان الامانة في ذا السذاجة انها تسمع كلامه اكيد لاقي عليهم شي وافهم يافهيم

[موظف في البلدية]

والله انك صااادق ياالزميــــــــــــــل بركان المشاااعر على كل كلمه قلتهااااا..


كفيييت ووفيييت


مساااااكين بعض هالموظفييين يطبلووون لمهندس الغفله الي <<اشواء انه مساعد مهندس ويخب بعد

من مواليد 1400

لا هو ولا الوكيل المتعجرف الي مسوي فاااهم وهو والله مع جنبهاااااا


سي ء

سيء


سيء