[ضـــح ــــايــاك م ـنقوله بعنايه شخصيه ]

[شنتربن ع ـداد]

قصيده للأستااذ الشاع ـر : ناصر الم ـطيري أخي الكبير وأستــاذي أبوبـدر )

قصيده فيها من العذوووبه مايسد حاجة الم ـتذوقين]
..

..


.


ادورك واحتاج لك واتمناك
واسترجع اللي فاتني من خلالك


واستجمع اخر مابقى واتحراك
واعطي معك واللي خذيته حلالك


لازلت في صفك ترى ماتعداك
واظهر ميولي باتجاه اعتدالك


تامر على من كان يامر وينهاك
يشعل غرورك وانت زود بدلالك


صوتك ليامني سمعته من هناك
قل ماتبي قل مايبيك وبدالك


ماقول واعدني على الدرب والقاك
عل الرجا ماينقطع في وصالك


الليل مر بصفحتك ماتهجاك
لكن لقى صبحه بطلة جمالك


وزعتني مابين حلمك ورجواك
وردتني درب الاسى والمهالك


احيان يظهرلك بعض شي يخفاك
من قبل لاتبدى وتطرح سؤالك


واللي نحاك بعيد هو وين وداك
لاانته حبيبٍ له ولاهو صفالك


اقول بعض اوقات وشلون ابنساك
لاشفت غيرك واثره انته بدالك


يللي جمعت الناس من حول نجواك
تغيب في صمتك وحدة جدالك


بعيد عن كل المخاليق ملفاك
قربك سهل لكن الاصعب منالك


رحال مع ريحٍ ورى الغيم ناداك
يلوح براقه جنوب وشمالك


تروح ماكن النظر يوم عداك
وترجع مع العالم وكنك لحالك


الوقت لو يرخصك بعيوني اغلاك
وانا الوحيد اللي زهد فيه مالك


والدمع في عينك من الحزن يظماك
وانا رويت من الحزن في احتفالك


اما تدورني معي لين القاك
ولاغديت اليا تبين هلالك


بقول لك حاجه بعد كل ماجاك
بقولها مهما يز يد انفعالك


لك عادةٍ ماتلتفت في ضحاياك
اللي قضو في لمحةٍ من خيالك..!!

وسلامتكوووووون ]